Латинское либретто Джакомо Кассетти. Оратория в двух частях написана для венецианского Оспедале делла Пьета.

Партитура для двух сопрано, трёх контральто, смешанного хора, двух флейт, двух... Читать дальше

Латинское либретто Джакомо Кассетти. Оратория в двух частях написана для венецианского Оспедале делла Пьета.

Партитура для двух сопрано, трёх контральто, смешанного хора, двух флейт, двух гобоев, двух труб, двух труб clarioni, четырёх теорб, мандолины, органа, виоль д’амур, виолы all’inglese, литавр, струнных и бассо континуо.

Оригинальный латинский текст

PARTE PRIMA

CORO

Arma, caedes, vindictae, furores,
Angustiae, timores
Precedite nos.
Rotate,
Pugnate
O bellicae sortes,
Mille plagas,
Mille mortes
Adducite vos.

Recitativo

OLOFERNE

Felix en fausta dies
O Magnanimi Eroes en fortunati:
Prospera vobis sors, sydera, caelum:
En post saecula tandem
Venit optata lux, lux suspirata,
Qua magni in vestro Duce,
Qua Dux Magnus in vobis:
Cunctis aequa
Erit tandem Victoria,
Et vestro invicto Regi
Honor, et gloria.

Aria

Nil arma, nil bella,
Nil flamma furoris
Si cor bellatoris
Est cadens in se.
Si pugnat sperando,
Iam virtus pugnando
Vigescit in spe.

Recitativo

VAGAO

Mi Dux, Domine mi...

OLOFERNE

Et quid ne petis?

VAGAO

Felicitatis tuae Nuncius accedo.

OLOFERNE

Quidne fausti tu refers?

VAGAO

Nil nisi Gloriae tuae grande incrementum,
Et vere oculis tuis dulce portentum.

OLOFERNE

Dic.

Aria

VAGAO

Matrona inimica
Te quaerit ad arma
Dux magne Holofernes.
Et erto deh, credas,
Tibi erit amica
Si lumina cernes.

Recitativo

OLOFERNE

Huc accedat Matrona,
Et sit armorum Marti ebrea Bellona.
In Bethulia vilescunt
Hostes miseri Egeni: undique luctus
Saevus undique clamor.
Hic anhelat,
Hic gemit, ille plorat,
Dolent omnes;
Nil nisi timor, nil nisi maerentium
Ignavia, desperatio, afflictio, inopia,
Et lacrimarum copia.

VAGAO

Veni Foemina illustris,
Pulcra Bellatrix huc,
Lumine, et pede
Videntes feri,
Et generosa accede

Aria

GIUDITTA

Quo cum Patriae me ducit amore
Libertatis dulcissima spes,
Summo ductus a caeli fulgore
Tuto pergat per classica pes.

Recitativo

ABRA

Ne timeas non, laetare
Casta Vidua dilecta
Certa virtutis tuae munera expecta.

Aria

Vultus tui vago splendori
Cedit ira ridet amor.
Ac tui numinis honori
Laetus plaudit omnium clamor.

Recitativo

Vide, humilis prostrata
In vultus tui nitore,
Quam estatica sit gens tanta armata.

GIUDITTA

Nil morae. Ad Holofernem
Me ducite benigni
Duces bellici honoris,
Paces en nuncia venio, et non furoris.

Coro

VAGAO

O quam vaga, venusta, o quam decora,
O spes nostrae victoriae unica, et vera.

CORO

O quam vaga, venusta, etc...

VAGAO

Tentoria vultu tuo
Ducis honora
Et cuncta ab Holoferne
Attende, et spera.

CORO

0 quam vaga, venusta, etc...

Recitativo

VAGAO

Quem vides prope, aspectu
Terribili, et suavi,
Quem quaeris, ipse hic est:
Amore, et fide,
In ipso pulcra Sion
Spera, et confide.

Aria

Quamvis ferro, et ense gravis
Dulcis tamen et suavis
Pro te Dux erit, o bella.
Tibi tua tu sors et fatum,
Nec per te fremit iratum,
Tua pupilla fit tua stella.

Recitativo

OLOFERNE

Quid cerno! Oculi mei
Stupidi quid videtis!
Solis, an caeli splendor!
Ah summae prolis
Vincunt lumina sua lumina solis.
Sistite, viatrici
Preparate Trophea, spargite flores,
Et obvient Dive suae teneri Amores.

GIUDITTA

Summe Rex, strenue miles,
Nabuc Regis cor, cuius in manu
Stat suprema potestas, nutui cuius
Fortuna, et sors obedit,
Et cuncta iura sua gloria concedit.

OLOFERNE

O quam pulcrior in pulcro
Virtus est ore sonans! Quidnam petis,
Suavissima supplex?

GIUDITTA

Non mihi, Patriae meae
Spem salutis exoro,
Et sic Bethuliae a te pacem imploro.

Aria

Quanto magis generosa,
Plus victori gloriosa
Venia vieto magis cara.
O quam pulcra tua potentia
Illustrata tua clementia!
Parce Dux, ac tolle amara.

Recitativo

OLOFERNE

Magna, o foemina petis,
Ouae maxima, si dentur!
Malora sed a me tibi debentur.
O timpana silete,
Recedite o Phalanges,
Cedite amori meo, cedite invictae
Faces, tela, sagittae,
Et vos bellica in campo impia tormenta
Estote in gaudio meo nova conlenta.
Hic sede amica mea.

GIUDITTA

Non tantus honor
Tuae famulae donetur,

OLOFERNE

Tu me honoras.

GIUDITTA

Te colo.

OLOFERNE

Sedeas hic.

GIUDITTA

Non debeo, non.

OLOFERNE

Sic jubeo, et volo.

Aria

Sede, o cara,
Dilecta speciosa
Mea vivida rosa,
Mea fulgida fax.
Tu Marti triumphanti,
Tu bellico amanti
Pulcherrima Pax.

Recitativo

GIUDITTA

Tu Judex es, tu Dominus, tu potens
In exercitu tanto,
Et tuae dextrae victrici
Semper aspectu sint astra felici

OLOFERNE

Felix per te,
Magisque felix ero,
Si dum sepulta manet
Lux Apollinis unda,
Me te dignum
In convivio tu reddas,
Ut melius pacis nostrae amatae, et carae,
Solemnia tecum possim celebrare.

GIUDITTA

Inter convivia, et dapes
Torpescent labia mea
In jeiunio assueta:
Tristis, nec unquam laeta
In eduliis astricta
Nescia est delitiae tantae anima afflicta.

Aria

GIUDITTA (o OLOFERNE)

Agitata infido flatu
Diu volatu
Vagabundo
Maesta hirundo
It plorando
Boni ignara.
Sed impulsu aurae serenae
Tantae cito oblita poenae
In dilecta
Dulcia tecta
Gaudi ridet haud avara.

Recitativo

OLOFERNE

In tentono supernae
Sint in ordine coenae.
Quid, quid natat in Ponto,
Quid, quid in Caelo, et terra nutrit
Ne sit legere grave.
Hinc nostrae Reginae,
Cui Vagae, tu deservies,
Sit cretensis Lyei donum suave.

Aria con coro

VAGAO

O servi volate,
Et Domino meo
Vos mensas parate
Si proxìma nox.
Invicto Holoferni
Cantemus alterni,
Honoris, amoris
Sit consona nox [vox].

CORO

Honoris, amoris, etc...

Recitativo

VAGAO

Tu quoque hebraica ancilla
In nostro gaudio tanto
Eris in corde tuo laeta, et tranquilla.

ABRA

Quam audacter discurrit
Non minus servus suo Domino nequam.
Properemus Juditha: ubique semper
Tecum sperans in Caelis
Ero Dominae meae socia fidelis.

Aria

GIUDITTA

Veni, veni, me sequere fida
Abra amata,
Sponso orbata.
Turtur gemo ac spiro in te.
Dirae sortis tu socia confida
Debellata
Sorte ingrata,
Sociam laetae habebis me.

Recitativo

ABRA

Venio Juditha, venio: animo fave,
Amori crede tuo nil erit grave.

Aria

Fulgeat sol frontis decorae,
Et afflictae abeat Aurorae
Rosa vaga tua pupilla.
Ama, langue, finge ardere
Nostrae sorti si favere
Potest una tua favilla.

Recitativo

In Urbem interim pia
Incertas audi voces, aura levis
Feti murmur voti
Et gloriae, credo, tuae.
Gemunt et orant una
Virgines Juda, incertae sortis suae.

CORO

Mundi Rector de Caelo micanti
Audi preces, et suscipe vota
Quae de corde prò te dimicanti
Sunt pietatis in sinu devota.

In Juditha tuae legi dicata
Flammas dulcis tui amoris accende
Feritatis sic hostis domata
In Bethuliae spem pacis intende.

Redi, redi iam Victrix pugnando
In cilicio in prece revive
De Holoferne sic hodie triumphando
Pia Juditha per saecula vive.

Fine della prima parte

PARTE SECONDA

Recitativo

OZIA

Summi Regis in mente
Mihi sunt alta arcana: hostis Tyranni,
Bellatoris iniqui
Prope, caelo favente,
Fata extrema prevideo.
Deus Abraam
Exercfium Deus es, potens in bello,
Tuo nomini inimicarli
Virtute dexterae tuae dissipa Gentem.
Te supplices precamur:
Tibi gloria
Sit diligentium te nova Victoria.

Aria

O Sydera, o stellae,
Cum luna cadenti
Estote facellae
In hostem ferales.
Cum nocte felici
Ruant impii inimici,
Et sole surgenti
Sint luces mortales.

Recitativo

Jam saevientis in hostem
Castae nostrae Judithae
Gratae sunt Caelo preces, tnumphando
Ad nos cito redibit,
Et Duce ablato ria gens peribit.

Recitativo

OLOFERNE

Nox in umbra dum surgit,
Radiante in mare sol lumine cadit;
Sed tu pulcra Juditha
Luminose mi sol in caeco orrore
Resurgis coram me vivido ardore.

Aria

Nox obscura tenebrosa
Per te ridet luminosa
Miro fulgida splendore [nitore],
Neque lucis novae Aurora
Tam superba tam decora
Vieta tuo surget splendore.

Recitativo

Belligerae meae sorti,
Quaeso, o cara condona:
Haec numine conviva
Non sunt fercula digna.

GIUDITTA

Magnitudinis tuae bene sunt signa.

OLOFERNE

Magnum meum cor tu reddis,
Si amantem vultus tui iure me credis.

GIUDITTA

Nil nisi sui Factoris
In orbe a creatura
Est conservanda Imago.

OLOFERNE

Ad tantum cogis me vultu tuo vago.

GIUDITTA

Quid, quid splendet in ore
Est pulvis, umbra, nihil.

Aria

Transit aetas,
Volant anni,
Nostri damni
Causa sumus.
Vivit anima immortalis
Si vitalis
Amor, ignis, cuncta fumus.

Recitativo

OLOFERNE

Haec in crastinum serva: Ah, nimis vere
Isse ignem sentio amorem,
Si nimis sentio in me viscera ardere.

GIUDITTA

Tanti caloris aestum
Tempera strenue Dux, flammas evita...

OLOFERNE

Uror,..

GIUDITTA

Longe ibo...

OLOFERNE

No, cara Juditha.

Aria

Noli o cara te adorantis
Voto Ducis non favere,
Et suspira animae amantis
Saltem disce non horrere.

Recitativo

GIUDITTA

Tibi dona salutis
Precor e Caelo Dux.

OLOFERNE

Prosit: bibendo
A te salutem spero
Et si tu amabis me,
Tua salus ero.

CORO

Piena nectare non mero
Aurea pocula almi amores
Myrto et rosis coronate.
Et in mutuo gaudio vero
Horum numinum ardores
Dulci fiamma prosperate.

Recitativo

OLOFERNE

Tormenta mentis tuae fugiant a corde,
Et calicem sumendo
Vivat gloria Judithae, et belli face
Extincta, amor per te vivat in pace.

Aria

GIUDITTA

Vivat in pace.
Et pax regnet sincera,
Et in Bethulia fax surgat amoris.
In pace semper stat laetitia vera,
Nec amplius bella sint causa doloris.
In pace anima mea tu cuncta spera,
Si pax solatium est nostri moeroris.
In pace bone Deus cuncta tu facis,
Et cara tibi sunt munera pacis.

Recitativo

Sic in Pace inter hostes
Sit mea Patria inofensa.
Sed quid video! Holofernes
Accensus mero suo dormit in mensa!
Consurgam. Vestro Duci
Huc accurrite, o servi: huc Abra veni,
Hic in tentorio stantes,
Dum dormit inimicus
Precemur vere Deum nos vigilantes.

Aria

VAGAO

Umbrae carae, aurae adoratae
Deh gratae
Spirate;
Si Dominus dormit
Stet tacita gens.
A cura tam gravi
In somno suavi
Sit placida mens.

Recitativo

Quae fortunata es tu vaga Matrona,
Quae de tam strenuo Duce triumphasti,
Et hostium domatorem tu domasti.

GIUDITTA

Faxit de Caelo Rex,
Reges qui regit,
Et cordi mei devota
Exaudiat pietas Dei suspiria et vota.

VAGAO

Bene in thalamo quiescat,
Mensas tollo,
Et hic pulcra Juditha
Potes cum Duce tuo sola laetari,
Et poenas cordis tui tu consolari.
Sed huc ancilla venit,
Jam festinans discedo,
Et sic amori tuo locum concedo.

GIUDITTA

Bene venisti, o fida,
En tempus nostrae gloriae,
Et suspirata tandem hora victoriae.

ABRA

Cuncta fauste succedant,
Et tibi, o mea Juditha
Eris, et Patriae tuae,
Salus et vita,

GIUDITTA

Nil ultra: claude fores,
Impedì viatores,
Et caelesti fervore cor accende,
Et mox victricem me tacita attende.

Aria

ABRA

Non ita reducem
Progeniem noto
Raptam a gelido
Mater expectat,
Ut ego fervida
Expecto te.
Sed poena barbarae,
Et brevis morae
Animam nimium
Vexat amantem
Timore, et spe.

Recitativo

Jam pergo, postes claudo,
Et te nostra Eroina expecto et laudo.

Recitativo accompagnato (Concerto de' viole all'inglese)

GIUDITTA

Summe Astrorum Creator,
Qui de nihilo jam cuncta eduxisti,
Et tibi ut servi essemus
Ad imaginem tuam tu nos fecisti,
Clemens in Caelo Pater,
Potens in Mundo Deus,
Qui Jaheli victrici,
Qui Deborae pugnanti vim dedisti,
Adiuva nos in prece, et culpas folle,
Et de forti tua dextra
Imbelli dextrae meae robur extolle.

Aria

In somno profundo
Si jacet immersus
Non amplius sit vigil
Qui dormit in te.
Quiescat exanguis,
Et sanguis
Sic exeat
Superbus in me.

Recitativo accompagnato

Impii, indigni Tiranni
Conopeo hic apensum
Denudo ferrum, ictus tendo, infelicem
Ab Holofernis busto
Deus in nomine tuo scindo cervicem.
Salvete o pia tentoria
In vobis semper clara
Et caelo, et mundo sit alta victoria.

Recitativo

Abra, Abra, accipe munus,
In saculum repone, et fida ancilla
Me sequere, festina,
Et clemens extra castra
Tuto perducat nos dextra divina.

ABRA

Quid mihi? Oh mira res!
Diro Draconi
Tu caput obtruncasti,
Et simul una in uno omnes domasti.
Eamus cito eamus,
Et mille mille Deo gratias agamus.

Aria

Si fulgida per te
Propitia caeli fax
Si dulci anima spe
Refulsit alma pax,
Solum beato
Duci increato
Debetur nostra pax,
Et nostra gloria.
Dat ille cordi ardorem,
llle dextrae vigorem,
Et manus donum suae
Nostra Victoria.

Recitativo

VAGAO

Jam non procul ab axe
Est ascendens Aurora, undique rara
Caelo sydera micant: in tentorio
Pallet incerta lux: patet ingressus,
Neminem video.
Sed heu, heu, quid cerno?
Fusus undique sanguis!
Heu, quam horrendum visu!
Truncus Domini mei jacet exanguis.
Milites huc venite,
Surgite, o servi, excubiae non dormite.
Omnes perditi sumus:
Bethulia amissa, et Holofernes extincto.
Heu cuncti, cuncti miseri ploremus,
Et ducis nostri funus vindicemus.

Aria

Armatae face et anguibus
A caeco regno squallido
Furoris sociae barbari
Furiae venite ad nos.
Morte, flagello, stragibus
Vindictam tanti funeris
Irata nostra pectora
Duces docete vos.

Recitativo

OZIA

Quam insolita luce
Eois surgit ab oris
Floribus cincta suis roscida Aurora!
O quam ridet serena
Jucundo nobis dies lumine piena!
En venit tandem venit
(Eam a longe prospicio, ad eam curramus)
Venit Juditha venit,
Et Juditha triumphans. Filia electa
Quanto gaudio te amplector: Summe Deus
Exultat ecce in te spiritus meus.

Aria

Gaude felix
Bethulia letare
Consolare
Urbs nimis afflicta.
Caelo amata
Es fortunata
Inter hostes semper invicta.

Recitativo accompagnato

Ita decreto aeterno
Veneti Maris Urbem
Inviolatam discerno,
Sic in Asia Holoferni impio tiranno
Urbs Virgo gratia Dei semper munita
Erit nova Juditha,
Et pro popolo suo Pastor orabit,
Et fidelis Ozias
Veram Bethuliae suae fidem servabit.
Eja Virgines Sion
Festinate cum gloria
In sperata Victoria
Et pietatis in sinu
Cum Psalterio sonanti
Applaudite Judithae Triumphanti.

CORO

Salve invicta Juditha formosa
Patriae splendor spes nostrae salutis.
Summae norma tu vere virtutis
Eris semper in mundo gloriosa.

Debellato sic barbaro Trace
Triumphatrix sit Maris Regina.
Et placata sic ira divina
Adria vivat, et regnet in pace.


Х Свернуть