Filius prodigus
Оригинальный латинский текст
PRIMA PARS
HISTORICUS I
Homo quidam duos habebat filios quorum junior
paterna domo discedere volens, peregre profecturus,
patri suo sic locutus est:...
Читать дальше
|
Filius prodigus
Оригинальный латинский текст PRIMA PARS HISTORICUS I Homo quidam duos habebat filios quorum junior paterna domo discedere volens, peregre profecturus, patri suo sic locutus est:... Читать дальше
Filius prodigus
Оригинальный латинский текст PRIMA PARS HISTORICUS I Homo quidam duos habebat filios quorum junior paterna domo discedere volens, peregre profecturus, patri suo sic locutus est: FILIUS PRODIGUS Pater mi, da mihi portionem substantiæ quæ me contingit, cupio enim longius ire ac peregrinari. CHORUS Accepta ergo a patre sua portione substantiæ profectus est in longinquam regionem, ubi brevi cœpit egere, quia erat ibi dira fames et vivendo luxuriose, jam dissipaverat omnem substantiam suam atque gravi pressus egestate, ad se reversus, voce lacrymabili sic lugebat in amaritudine animæ suæ, dicens: FILIUS PRODIGUS Quanti mercenarii in domo patris mei abundant panibus, ego autem miseriarum angustiis confectus hic fame pereo, morior. Quid agam, quo me vertam? Surgam ergo, ad patrem redibo, ut me revertentem et pœnitentem miseratione commotus excipiat. Surgam ergo, ad patrem redibo. HISTORICUS II/III Surrexit igitur, rediit domum suam atque patris genibus supplex provolutus, sic lamentabatur gemens ac dicens: FILIUS PRODIGUS O clemens, O pie pater mi peccavi in cœlum et coram te, non sum dignus vocari filius tuus. Erravi sicut ovis quæ periit, erue me de lacu miseriæ et de luto fœcis, eripe animam meam de necessitate et angustia, et fac me sicut unum de mercenariis tuis, quia ergo miser, non sum dignus vocari filius tuus. PATER ET FILIUS - Accede fili mi, accede ad charos patris tui amplexus ut blanda tibi prœbeam oscula pacis. - Accedo pater mi, accedo ad charos patris mei amplexus ut blanda mihi prœbeas oscula pacis. PATER Cito, cito, afferte suam vestem, induite illum, ferte annulum, date illi calceamenta, occidite saginatum vitulum, comedamus cum eo et epulemur lætantes. CHORUS Sumite tympana, psallite buccina et læti sonantibus modulis sociemus cantica, quia filius mortuus revixit. Sumite tympana, psallite buccina et læti sonantibus modulis sociemus cantica, quia ille qui perierat inventus est. FILIUS PRODIGUS Gratias ergo, gratias tibi, charissime pater, dulcissime pater et clementissime, posuisti me in domo refectionis, collocasti me in loco pascuæ et ubertatis ubi mihi nihil deerit. Me penitentem suscepisti, me pereuntem collegisti, me mortuum suscitasti. Gratias ergo, gratias tibi, clarissime pater, dulcissime pater et clementissime. PATER Eya, quid moramur, quid cunctamur? Jam vestes jucunditatis induit filius meus, jam accepit annulum, data sunt ei calceamenta, assatus est saginatus vitulus, comedamus cum eo et epulemur lætantes. CHORUS Sumite tympana, psallite buccina et læti sonantibus modulis sociemus cantica, quia filius mortuus revixit. Sumite tympana, psallite buccina et læti sonantibus modulis sociemus cantica, quia ille qui perierat inventus est. SECUNDA PARS HISTORICUS I Filius autem senior rediens ex agro, audiens hæc omnia, atque sciens cuncta quæ fìebant, voce quærula sic patrem suum alloquitur. FILIUS SENIOR Pater mi, ecce ego, filius tuus senior qui tot annis servio tibi. Mandatis tuis semper obtemperavi et hædum mihi numquam dedisti ad epulandum cum amicis meis, fratri autem meo juniori, qui substantiam suam luxuriose vivendo totam devoravit, dedisti vitulum saginatum; mihi autem tot annis servienti tibi nihil unquam dedisti. PATER Fili mi, tu semper mecum es, et omnia mea sunt tua. Epulari ergo oportebat et gaudere quia frater tuus junior mortuus erat et revixit, perierat et inventus est. Tu vero fili mi, tu semper mecum es et omnia mea tua sunt. FILIUS SENIOR ET PATER Epulari ergo oportebat et gaudere cum eo. Epulemur, comedamus et lætemur cum eo. CHORUS FIDELIUM Gratias tibi Deus clemens, gratias tibi Pater misericors, gratias immortales qui errantes dirigis in viam rectam. Deus clemens, Pater misericors, gratias immortales qui peccantes vocas adveniam, et errantes dirigis in viam rectam. Gratias immortales, Deus Clemens, Pater misericors. Х Свернуть
Жозеп Бенет
(тенор)
,
Уильям Кристи
(дирижер),
Гийеметт Лоранс
(меццо-сопрано),
Филипп Кантор
(бас-баритон),
Мишель Лаплени
,
Ансамбль `Les Arts Florissants` (Франция)
(haute-contre) - Filius prodigus / Ulrich Studer (basse) - Pater / (taille) - Filius senior / Etienne Lestringant (taille) - Historicus I / (bas-dessus) - Historicus II / (basse) / Historicus III / Chorus Fidelium / 1979далееСвернуть(haute-contre) - Filius prodigus / Ulrich Studer (basse) - Pater / (taille) - Filius senior / Etienne Lestringant (taille) - Historicus I / (bas-dessus) - Historicus II / (basse) / Historicus III / Chorus Fidelium / 1979
|
||